【台灣 | BLOG】台灣十大猛鬼酒店👻👻(上篇)
既然大家都對猛鬼酒店有D興趣~~
今次我就再分享下台灣既猛鬼酒店LA~~~~
膽小既朋友,請先行離開喇~
1.台北 君Ｘ酒店 被稱為「全台灣最猛酒店」，傳說酒店地點係日治時期既刑場，因此先有咁多鬧鬼傳說。
酒店開業咁多年，不時有住客指夜晚會聽到腳步聲、小朋友喧譁聲或是有鬼掩眼令你搵唔到房等酒店鬧鬼事件。
而當中最多人知既故事係韓國女星金XX當時入住君X既靈異事件...
她發現房間既電視不停自動開，甚至拔插座亦沒有用。
而且係電視屏幕上慢慢會出現一個無樣既頭顱，
當她打算拔足狂奔時，發覺自己被靈異東西壓住，完全郁唔到....
嚇得她係半夜都立即搬走。 可能當時既鬧鬼傳聞鬧得熱烘烘，酒店特意請法師寫了兩道大型符咒，掛在大堂上，以圖鎮鬼；
天花板上亦有一座巨大銅鈴，以作趨吉避凶之用。
不過據前員工轉述，很耐就已經撤掉這兩個符咒，且經查明後日治時期的刑場地址與該飯店相距甚遠，所以各位都可以考慮下入住🤣🤣(我就唔會喇!!)
資料來源:網上圖片
2.台X車站酒店驚魂夜
一位台灣大學生曾經同朋友訪台北遊玩三天兩夜。當時佢地兩個入住台X車站一間酒店，酒店設計採光條件差，走廊燈光亦較微弱。當時佢地被分配住入一間無窗既房間，整個環境用「陰森」嚟形容。
第一晚都無發生過咩事......第二晚因為樓主唔習慣開燈訓...所以第二晚同朋友達成共識關燈睡覺。疲憊既兩人係關燈後，很快就陷入深眠，殊不知只係驚魂夜既序幕.......
訓到半夜，樓主感到周圍環境很熱，打算起身搵冷氣遙控器，稍微調節一下房間溫度。不過，當佢打開雙眼，發現房間內一點光都沒有，伸手不見五指，因此就打算轉身叫友人幫忙開燈。
當時佢翻身就話：「冷氣好熱喔！遙控器在哪裡啊？幫我開燈。」但就聽到一句幽幽既聲音係佢前面答佢：「現在不能開燈啦，他會看到你。」聽到以後，佢意識馬上清醒過來，卻完全不敢郁。更感到一陣莫名既力量從上方壓下來，好像有野坐在床上，不斷向佢靠近過去。
樓主感到相當害怕，一時間更感到背部熾熱發滾，當時佢不知點樣應對，只係立刻將被子蓋住頭，假裝自己咩事都無訓教。點知呢股怪異既力量仍然環繞係佢身邊，直到朋友突然翻身時，她立刻轉身抱住佢朋友大叫：「我好熱啊！」直到嘈醒友人為止。
佢朋友被嘈醒後相當不耐煩，不過都係乖乖地去開燈，係佢仲未回過神既時候，就已經迅速調節冷氣溫度，並打算再次關上燈光。
樓主見狀立刻伸手制止，並要求要開晒房入面所有燈光，令佢朋友心中相當納悶。明明當時係樓主自己要求要熄燈！當時樓主並沒有多加解釋，只是嚷著「好累了，要睡覺」，才讓呢個驚魂夜暫告一段落。
第二日，樓主諗起那股幽幽的聲音，就問佢個朋友：「你昨天不是說不能開燈嗎？怎麼我第二次跟你講你就開燈了。」然而友人卻說：「我沒有說不能開燈啊！我不是幫你開燈調冷氣嗎？」
相片來源:網絡圖片,完全唔關究,純粹想嚇下大家..
3.高雄X來酒店
呢間位於高雄既五星級酒店據說係非常猛鬼，而原因可能係與當年既一場大火有關。酒店前身係一家百貨公司，但多年前地庫發生了一場大火，燒死了好多人，自此靈異十足。當中最有名是有一對鬼母女喜歡係單數房間出現，有住客見到鬼妹妹在床尾彈跳。
亦有外籍機師係睡夢中被強光照醒，佢睇到好似有一個「人」玩佢部電腦，然後那「人」被一團白光圍著直射上天花板。
除了房間既奇異事件外，電梯都發生過怪事。曾有空姐搭電梯時，離奇去到曾發生火警既樓層，門打開後，係漆黑一片、出奇地廣闊既神秘空間。
4.西門町 欣X時尚旅店
2006年於203號房浴室內，發現一具穿著紅色內衣褲既女子屍體。
據當時記者報導，拍攝死者遺容時，該女子軀體突然下滑，雙眼睜開怒視記者，非常恐怖！
5.嘉義 Hotel Hx
有網民係facebook「靈異公社」分享出遊經歷，指當時去嘉義旅遊時，住進一間猛鬼酒店。
個間酒店明明裝潢漂亮，但是入門後，就令佢他有種無言既壓抑感，成晚聽到鬼魂對話，午夜時，更感覺到有人係佢身邊晃動,手機螢幕更莫名其妙不斷開關。
(資料來源各大網上平台綜合得出)
以上資料只供參考，信不信由你,反正我信左仲好驚添！
------------------------------------------------
提提大家,係OH SIM網站購買旅遊保障享有低至5折旅遊保,仲有禮物拎添呀!!!
https://www.travel2046.com/pages/travelinsurance
出發去旅行買左SIM卡未?仲有禮物送WO!!
https://www.travel2046.com/collections/frontpage
------------------------------------------------
未夠喉既朋友仔....快D睇埋台灣十大猛鬼酒店(下篇)