【日本 | BLOG】日本十大猛鬼酒店(上篇)
今日想同大家分享下另類話題….
去旅行我最怕就係酒店唔可以睡得安寧，就會影響成個旅程既心情。
所以今次為大家整理左日本十大猛鬼酒店…大家睇路喇……
- 富士山山中湖區XX酒店
呢間好似真係最猛…我睇到好多人分享佢地既親身經歷….
有人話夜晚自己一個人係房,見到著住紅衫既女人係自己房…
又有人話試過係到訓….半夜自己升起咗……
酒店位於富士山區五湖中既其中之一－山中湖區。酒店位於富士山既山腰，由於之前係真係好殘舊，所以成日傳鬧鬼。酒店2007年重新裝修，共有120間房。如果天氣好既話。可以係酒店房間睇到富士山，不過處於山區，通常都會好大霧。一來富士山係日本既自殺聖地(自殺森林)，本身日本人對呢到都有少少畏懼感。二來相傳好耐之前有個女導遊名叫”秋菊”響呢度自殺身亡後，酒店住客不斷傳聞每晚都有奇怪既拍門聲，據說係化成幽靈既秋菊拍門喚醒團友出發去看富士山景色。(UM…真係太太太盡責喇!!!)
- 池袋太X酒店
咁出名既原因之一:本身池袋係一個地方專門做葬儀業同墳場既地方。所以夜晚有Ｄ地方係比較少人。另外一個原因可以係因為池袋X子酒店既前身同已家既後面街都係池袋既墳場區，酒店設計為墓碑形，據聞係用黎震壓亡魂架。
有人話試過係呢間訓教個陣聽到有小男孩周圍跑既聲,又會發出詭異既笑聲…第二晚仲係佢背後講野…之後仲又喊又大叫……..
亦都有傳說話，呢到係全日本最猛鬼既酒店，甚至當地人都不敢住，主要招待來自香港和外國既旅客。 酒店所在既地方曾經係一個甲級戰犯既絞刑場，住客半夜可能會突然聽到步伐聲音,或者係好得人驚既慘叫聲。
(圖片:非肇事酒店)
- 伊豆熱海水X亭
呢單野真係幾得人驚WO…..真係影到WO……
日本女星石原里美拍攝Dear Sister 時，被指拍到第三隻手捉係佢小腿,亦有一個畫面拍到有隻手摸佢大脾…..亦有人睇到佢身後有張好似人樣既入左鏡….
喇~老老實實我睇左張相我就好驚喇…你地邊個敢睇片既話返我知..你睇到咩喇…..
(圖片出處:https://yu-yu1126.net/inn/atamiizusan-suiyotei/)
- 河X町石長松菊園溫泉酒店
係一間日式傳統酒店,房間使用日式榻榻米，係日本學生修學旅行時常入住既酒店。裡面流傳著種種靈異傳聞，包括沒有人既廁所傳出沖廁聲，紙門會自己打門….
而且二樓尾房276號房唔會出租….唔通…呢間房真係發生過咩事??
- 麗X海景皇宮渡假酒店谷茶灣
2012年一對港人夫婦疑因債務問題係酒店內燒炭自殺，後來有港人入住時分別遇上不同靈異事件，包括係四人房內目睹一個女鬼同埋幼靈，同埋與燒炭案女死者名字發音相似既住客經歷鬼上身。
據傳，2017年有港人入住時遭鬼上身，突然嘔吐大作，雙目充血並用力捉住友人既手，大聲問「你係邊個」。該名港人在送院途中不斷大喊自己個名，但係清醒後卻冇左記憶，不過佢就見到醫院天花板有一名兇惡既男人凝視著她。事後發現，遭鬼上身的港人和當年燒炭自殺既女事主個名字發音十分相似。
(資料來源各大網上平台綜合得出)
以上資料只供參考，信不信由你,反正我信左仲好驚添！
------------------------------------------------
提提大家,係OH SIM網站購買旅遊保障享有低至5折旅遊保,仲有禮物拎添呀!!!
https://www.travel2046.com/pages/travelinsurance
出發去旅行買左SIM卡未?仲有禮物送WO!!
https://www.travel2046.com/collections/frontpage
------------------------------------------------
未夠喉既朋友仔....快D睇埋日本十大猛鬼酒店(下篇)